კულტურულ-საგანმანათლებლო დაწესებულებები

     გლდანის რაიონში  კულტურულ-საგანმანათლებლო დაწესებულებათა საკმაოდ ფართო ქსელია. 

     მის ტერიტორიაზე ფუნქციონირებს 25 საშუალო სკოლა, სადაც 20 000 -ზე მეტი მოსწავლე ცწავლობს.

2012 წლის სექტემბერში გლდანში პროფესიული გადამზადების ახალი ცენტრის მშენებლობა დასრულდა. ცენტრის გახსნის მიზანია თბილისის გარეუბნებში მცხოვრები მოსახლეობის გადამზადება და მათი შემდგომი დასაქმება.

     ცენტრში გადამზადება, ასაკის მიუხედავად, ყველა მსურველს უფასოდ შეეძლება. მაღალკვალიფიციური ტრენერებისა და მასტერკლასების ჩატარებას განათლების სამინისტრო უზრუნველყოფს.

     გლდანის რაიონში 1979 წლიდან ფუნქციონირებს თბილისის სახელმწიფო დრამატული თეტრი, რომელსაც 1987 წლის 14 იანვარს გამოჩენილი ქართველი რეჟისორის სანდრო ახმეტელის სახელი მიენიჭა.

აგრეთვე რაიონში მოქმედებს რამდენიმე ხელოვნების სკოლა, რომლებიც წარმატებით ანხორციელებენ მომავალი თაობების სულიერ აღზრდას. 

სპორტი და მომავალი თაობა

გლდანის რაიონის საგანმანათლებლო პროგრამაში დიდი ადგილი უკავია მომავალი თაობების ფიზიკურ განვითარებას. სწორედ ამ საქმეს ემსახურება რაიონში მოქმედი სპორტული დარბაზები, მოედნები და თანამედროვე სტანდარტებით აგებული საცურაო აუზი.

გასართობი და დასასვენებელი ადგილები

გლდანის რაიონის მშვენებას წარმოადგენს "ვარდების რევოლუციის პარკი", ის III-V და IV-VI მიკრორაიონებს შორის არის განთავსებული. პარკის სტრუქტურა გათვლილია ფართო ასაკობრივ სპექტრზე და ბავშვების საყვარელ გასართობ ადგილს წარმოადგენს. აქვეა მოსასვენებელი და სასეირნო ადგილებიც.

გლდანის თეთრი ტბა

  სასტუმროები, დასვენებისა და გასართობი მოედნები,რესტორანი წყალში,კაფეები,თეთრი ტბის დასასვენებელი კომპლექსი ,ამ სერვისებით  ტურისტებს რამდენიმე  წელიწადში მოემსახურება,პროექტის დასრულებამდე რეკრეაციულ ზონაში კვების ობიექტები და საბავშვო კუთხე მოქმედებს.უცხოელ და ქართველ დამსვენებლებს ზაფხულის ცხელ დღეებში თეთრი ტბის პლაჟზე გარუჯვა და დროის სასიამოვნოდ გატარება შეუძლიათ.ამ ეტაპზე ფუნქციონირებს ბარი,კაფეები,კეთილმოწყობილია პლიაჟი,სანაპირო ზოლი,ასევე არის წყლის ტრანსპორტი, წყლის ველოსიპედებიც, აქ არის ფართო არჩევანი.თეთრი ტბის კომპლექსი უკვე 1 თვეა რაც დამსვენებლებს ემსახურება, მიუხედავად იმისა,რომ ტერიტორიის განაშენიანება დასრულებული არ არის, კეთილმოწყობილ სანაპიროსა და კაფეებს, ადგილობრივი მოსახლეობა გასართობად ხშირად სტუმრობს.

    გლდანის ტბის დასასვენებელი კომპლექსი  35 ჰექტარზეა განლაგებული. ტერიტორიის ნაწილი ასათვისებელია,პროექტის დასრულების შემდეგ რეკრეაციული ზონებისათვის გამოყოფილი ფართობი გეგმის მიხედვით დამუშავდება.გლდანის თეთრი ტბის დასასვენებელი კომპლექსი საბოლოო სახეს 2014 წელს მიიღებს, სანაპიროზე გარუჯვის გარდა აქაურ დამსვენებელს ძალიან მალე სპორტულ–გამაჯანსაღებელი კომპლექსითა და გასართობი ცენტრებით სარგებლობის საშუალება  მიეცემათ.